நீங்கள் தேடியது "ராமர் கோவில்"

ராய்கஞ்ச்:

திரிணாமுல் காங்கிரஸ் தலைவரும், மேற்குவங்காள மாநில முதல்-மந்திரியுமான மம்தா பானர்ஜி நேற்று தனது மாநிலத்தில் ராய்கஞ்ச், இஸ்லாம்பூர் உள்பட சில இடங்களில் தேர்தல் பிரசாரத்தில் ஈடுபட்டார். அப்போது அவர் கூறியதாவது:-

வன்முறைகள் மற்றும் குழு கொலைகள் மூலம் அரசியலுக்குள் வந்தவர் மோடி. அவர் பாசிஸ்டுகளின் ராஜா. அடால்ப் ஹிட்லர் உயிரோடு இருந்திருந்தால், மோடியின் நடவடிக்கைகளை பார்த்து தற்கொலை செய்துகொண்டிருப்பார்.

பா.ஜனதாவுக்கு எதிராக காங்கிரஸ் உறுதியாக போராட தவறிவிட்டது. அதனாலேயே பா.ஜனதா படிப்படியாக வலுவடைந்துள்ளது. காங்கிரஸ் கட்சியால் தனித்து ஆட்சி அமைக்க முடியாது. காங்கிரஸ் மத்தியில் ஆட்சி அமைக்க விரும்பினால் மற்றவர்களின் உதவியை நாட வேண்டும்.
மோடியை வெளியேற்றவே ஒவ்வொரு மாநிலத்திலும் கூட்டணிகள் ஏற்பட்டுள்ளது. தேர்தலில் மோடி வெளியேற்றப்பட்டதும் நாங்கள் அனைவரும் ஒன்றுசேர்ந்து புதிய இந்தியாவை கட்டமைக்க பணியாற்றுவோம். கம்யூனிஸ்டு கட்சிகளுக்கு எதிரான தனது போராட்டத்தை திரிணாமுல் காங்கிரஸ் ஒருபோதும் கைவிடாது.

கடந்த 5 ஆண்டுகளாக மோடியால் அயோத்தியில் ராமர் கோவிலை கட்ட முடியவில்லை. ஆனால் தேர்தல் வரும்போதெல்லாம் அவர் இந்த பிரச்சினையை எடுப்பார். மக்கள் முட்டாள்கள் இல்லை. ஒவ்வொரு முறையும் உங்களால் மக்களை ஏமாற்ற முடியாது.

ராணுவமே அவருக்கு சொந்தமானதுபோல ராணுவ வீரர்கள் மற்றும் போரில் உயிர்நீத்த தியாகிகளின் பெயரால் மோடி இப்போது ஓட்டு கேட்கிறார். அது அவர் ஆற்றிய ராணுவ சேவைக்கான மானியமா? ஆயுதப்படைகள் அனைவருக்கும் சொந்தமானது. இது நமது பெருமை.

உளவுப்பிரிவினர் தாக்குதல் குறித்து தகவல் தெரிவித்த பின்னரும் புலவாமா தாக்குதலில் இத்தனை வீரர்கள் கொல்லப்பட்டது ஏன் என்பதற்கு அவர் முதலில் பதில் கூற வேண்டும்.

நரேந்திர மோடி துரியோதனன் என்றால் அமித்ஷா துச்சாதனன். இருவரும் சேர்ந்து நாட்டின் சுதந்திரத்தை பறிக்கப் பார்க்கிறார்கள்.

இவ்வாறு மம்தா பானர்ஜி கூறினார்.

அகமதாபாத்:

குஜராத் மாநிலம், கேடர் மாவட்டத்தில் நேற்று நடைபெற்ற யோகாசன முகாமில் பங்கேற்ற பிரபல யோகாசன குரு பாபா ராம்தேவ் செய்தியாளர்களுக்கு பேட்டியளித்தார்.


ராமருக்கு கோவில் கட்டுவது நமது நாட்டுக்கான பெருமிதம். அயோத்தியில்தான் ராமர் கோவில் கட்டப்பட வேண்டும் என்று நான் உறுதியாக நம்புகிறேன். அயோத்தியில் இல்லாவிட்டால் வேறெங்கு ராமருக்கு கோவில் கட்ட முடியும்?. மெக்காவிலோ, மதினாவிலோ, வாடிகன் நகரிலோ நிச்சயமாக நம்மால் ராமருக்கு கோவில் கட்டவே முடியாது என்றும் அவர் குறிப்பிட்டார். #RamTemple  #BabaRamdev

லக்னோ:

உத்தரப்பிரதேசம் மாநில சட்டமன்ற மேல்சபையில் பா.ஜ.க. உறுப்பினராக பதவி வகிப்பவர், புக்கால் நவாப். அயோத்தியில் ராமர் கோவில் கட்டப்பட்டால் ராமருக்கு தங்கத்தால் கிரீடம் செய்வதற்கு 15 கோடி ரூபாய் நன்கொடை அளிப்பதாக முன்னர் இவர் தெரிவித்திருந்தார்.

தனது நேர்த்திக்கடன் ஹனுமானால் பூர்த்தியானதற்கு நன்றி தெரிவிப்பதாக 30 கிலோ எடைகொண்ட பித்தளை மணியை ஹனுமான் கோவிலுக்கு புக்கால் நவாப் காணிக்கையாக செலுத்தியுள்ளார்.
மேலும், அர்மான், ரஹ்மான், ரம்ஜான், பர்சான் என்னும் பெயர்களைப்போல ஹனுமான் என்ற பெயரும் உள்ளதால் ஹனுமான் ஒரு முஸ்லிம் என்று நம்புவதாகவும் இவர் சமீபத்தில் குறிப்பிட்டிருந்தார்.

இந்நிலையில், அல்லாஹ்வின் ஆசியுடனும் பா.ஜ.க.வினரின் முயற்சியாலும் அயோத்தியில் இந்த ஆண்டுக்குள் ராமர் கோவில் கட்டப்படும் என தற்போது தெரிவித்துள்ள புக்கால் நவாப், மோடியின் பிரபலத்தை கண்டு அச்சப்படும் எதிர்க்கட்சி தலைவர்கள் அவரை வீழ்த்தும் ஒரே நோக்கத்துக்காக சுயநலக் கூட்டணி அமைத்துள்ளதாகவும் குற்றம்சாட்டியுள்ளார். #Ramtemple #blessingsofAllah #BukkalNawab

இந்தூர்:

விசுவ இந்து பரிஷத் சர்வதேச தலைவரும், ஓய்வு பெற்ற நீதிபதியுமான விஷ்ணு சதாசிவ கோக்ஜே, மத்தியபிரதேச மாநிலம் இந்தூரில் நிருபர்களுக்கு பேட்டி அளித்தார். அவர் கூறியதாவது:-


எனவேதான், அயோத்தியில் பிரமாண்ட ராமர் கோவில் கட்ட மத்திய அரசு சட்டம் இயற்ற வேண்டும் என்று ஆரம்பத்தில் இருந்தே வலியுறுத்தி வருகிறோம். காங்கிரஸ் கட்சியின் ஓட்டு வங்கி அரசியல்தான் ராமர் கோவில் கட்ட முட்டுக்கட்டையாக உள்ளது.

இவ்வாறு அவர் கூறினார். #VHP #RamTemple

புதுடெல்லி:

அயோத்தியில் ராமர் கோவில் கட்டுவது எப்போது என்று பாரதீய ஜனதா எம்.பி.க்கள் கூட்டத்தில் கேள்வி எழுப்பப்பட்டது. பொறுமை காக்குமாறு ராஜ்நாத் சிங் கேட்டுக்கொண்டார்.

அயோத்தியில் சர்ச்சைக்குரிய நிலம் யாருக்கு சொந்தமானது என்ற கேள்விக்கு இன்னும் விடை கிடைக்கவில்லை. இது தொடர்பான வழக்கு, சுப்ரீம் கோர்ட்டில் நிலுவையில் உள்ளது. அடுத்த ஆண்டுதான் இது விசாரணைக்கு வருகிறது.

ஆனால் அயோத்தியில் மிகப்பெரிய அளவில் ராமர் கோவில் கட்டப்பட வேண்டும் என்று ஆர்.எஸ்.எஸ். உள்ளிட்ட இந்துத்துவா அமைப்புகள் கடந்த சில மாதங்களாக வலியுறுத்தி வருகின்றன. ஆர்.எஸ்.எஸ். தலைவர் மோகன் பகவத் உள்ளிட்ட தலைவர்கள் சட்டம் இயற்றி, ராமர் கோவில் கட்ட வேண்டும் என்று குரல் கொடுத்து வருகின்றனர்.

இந்துத்துவா அமைப்புகளின் உணர்வுகளில் பாரதீய ஜனதா கட்சிக்கு உடன்பாடு இருந்தாலும்கூட, சட்டம் இயற்றும் முடிவுக்கு அந்தக் கட்சி வரவில்லை.

இருப்பினும், அயோத்தியில் ராமர் கோவில் கட்டுவது, நாடாளுமன்ற தேர்தலில் கட்சியின் வெற்றி வாய்ப்பை அதிகரிக்கும் என்று பாரதீய ஜனதா கட்சிக்குள் கருத்து எழுந்துள்ளது.

இந்த நிலையில் டெல்லியில் நேற்று பாரதீய ஜனதா கட்சி எம்.பி.க்கள் கூட்டம் நடந்தது.

இந்தக் கூட்டத்தில் பிரதமர் நரேந்திர மோடியும், கட்சியின் தலைவர் அமித் ஷாவும் கலந்து கொள்ளவில்லை.

இதில் உத்தரபிரதேச மாநிலத்தை சேர்ந்த எம்.பி.க்கள் ரவீந்திர குஷ்வாகா, ஹரி நாராயண் ராஜ்பார் ஆகியோர் அயோத்தி பிரச்சினையை எழுப்பி பேசினார்கள். அயோத்தியில் ராமர் கோவில் கட்டுவது எப்போது என அவர்கள் கேள்வி எழுப்பினார்கள்.

அவர்களின் பேச்சுக்கு பிற எம்.பி.க்கள் ஆதரவு தெரிவித்தனர்.

ஆனால் கட்சியின் மூத்த தலைவரும், மத்திய உள்துறை மந்திரியுமான ராஜ்நாத் சிங், “அயோத்தியில் ராமர் பிறந்த இடத்தில் ராமர் கோவில் கட்ட வேண்டும் என்பது எல்லோரின் விருப்பமும் ஆகும். அதே நேரத்தில் உறுப்பினர்கள் பொறுமை காக்க வேண்டும்” என்று கேட்டுக்கொண்டார்.

தொடர்ந்து அவர் பேசும்போது, “பிரதமர் மோடியின் செல்வாக்குக்கு சமமாக எதிர்க்கட்சியில் ஒரு தலைவர் கிடையாது. அடுத்த ஆண்டு நடக்க உள்ள பொதுத்தேர்தலில் வெற்றி பெறுவதற்கு எம்.பி.க்கள் கடுமையாக உழைக்க வேண்டும்” என்று வலியுறுத்தினார். #RajnathSingh #RamTemple #BJP

புதுடெல்லி:

அயோத்தியில் ராமர் கோவில் கட்ட வலியுறுத்தி, டெல்லியில் உள்ள ராமலீலா மைதானத்தில் சாதுக்கள் பங்கேற்கும் பிரமாண்ட பொதுக்கூட்டம் வருகிற 9-ந் தேதி நடைபெறும் என்று விசுவ இந்து பரிஷத் இணை செயலாளர் சுரேந்திர ஜெயின் கூறினார்.

டெல்லியில் நிருபர்களிடம் மேலும் கூறுகையில், “ராமர் கோவில் கட்டுவதற்கான மசோதா, நாடாளுமன்ற குளிர்கால கூட்டத்தொடரில் கொண்டுவரப்படும் என்று நம்புகிறோம். அந்த அளவுக்கு ராமர் கோவிலுக்கு எதிரானவர்களின் மனதையும் எங்கள் பொதுக்கூட்டம் மாற்றிவிடும்.

ஒருவேளை மசோதா கொண்டுவரப்படாவிட்டால், அடுத்தகட்ட நடவடிக்கை பற்றி அலகாபாத் கும்பமேளாவின்போது முடிவு செய்யப்படும்” என்றார்.